Nytt klubbhus

Det mellombelse klubbhuset er klart til bruk. Dette skal vere klubbhuset vårt fram til våre nye klubblokale i den nye Ørstahallen er klar til bruk, mot slutten av 2018.

Det mellombelse klubbhuset har eit stort møterom, eit lite møterom/grupperom, kontor, kjøken, toalett og to garderobar (utan dusj). I Ørstahallen får vi disponere garderobar med dusj i heile byggetida. Sjølv om denne løysinga ikkje er heilt optimal, får vi det greit i det mellombelse klubbhuset. Klubbhuset er plassert mellom stadion og Kiwi-hallen.

Når nye Ørstahallen er klar får vi nye klubblokale i andre høgda. Følg bygginga her: https://sites.google.com/site/orstahallen/home