Nyheter

Friidrettsgruppa arbeider med trenings- og trenarplanen for vinteren 2020/2021. Vi er ikkje heilt i mål endå. Planen vert klar i slutten av veke 43 eller i veke 44. Vi startar treningane i veke 45 (første veka i november).

Førebels plan er:

 

10-12 år

·         Torsdag kl 18-19 Løp, hopp, spenst, styrke (inne) - Ørstahallen løpebana og gymsal

·         (Dersom vi får nok trenarar så kan vi opne for tysdagar kl 18-19 også)

13 år og eldre

·         Måndag 18.00 - 19.30 Langsprint (ute) frammøte utanfor Ørstahallen (kl 19.00-19.30 er det spenst)

·         Tysdag 18.00 - 19.30 Spenst, styrke og hopp (inne) - Ørstahallen løpebana og gymsal

·         Torsdag 18.00 - 19.00 Kortsprint (ute) - frammøte utanfor Ørstahallen

·         Lang- og mellomdistanse trenar saman med sprint, men med eige opplegg.

 

I tillegg vil vi tilpasse treningane eller sette opp ekstratreningar når det det nye spydseglet er klart inne i Ørstahallen

Treng foreldrehjelp for å klare å gjennomføre vintertreningane

I samband med covid 19-pandemien treng vi hjelp på treningane frå foreldra denne vinteren for å klare å gjennomføre treningane.

Vi må ha foreldrehjelparar som kan ta ansvar for å hente og vaske utstyr, tørke av overflater i garderobe etter trening. Vi treng og foreldre som kan bidra litt på sjølve treningane, t.d. ved fråvær frå trenarane. 

 

 

22.10.2020
- olve.oyehaug

Ørsta IL friidrett avslutta sesongen med det morosame stemnet omvend 5-kamp. Det vart konkurrert i 100 m på idealtid, 60 m baklengs to gongar, rotasjonshopp mot venstre og høgre, kulestøyt med venstre og høgre hand og til slutt spydcup. I øvingane som ein gjer to gongar er det om å gjere å ha likast resultat.

Dei yngste gjer det ofte minst like godt som dei eldste på dette stemnet. Vinnaren var 12-åringen Jonatan Hovden Ryste, med 46 poeng. Tett bak han kom Ragne Øyehaug med 49 poeng. Tredjeplassen gjekk til Mads Melle Lundberg med 56 poeng. Lågast poengscore er best. Det var tre 10-åringar på dei fem første plassane.

Trykk her for resultatliste omvendt 5-kamp

På slutten av stemnet var det og premeutdeling for dei som har delteke på cup-stemna i år. Hovudsponsor Sparebank 1 Søre Sunnmøre var og på stemnet og delte ut ekstrapremiar til alle deltakarane.

Det har vore ein spesiell sesong p.g.a. covid 19-.pandemien. Vi er likevel glade for at vi har fått høve til å gjennomføre både treningar og stemne, sjølv om det har vore noko nedskalert samanlikna med normalsesongar. 

No tek friidretten i Ørsta pause i oktober. Vi startar opp att treningane for 2011-modellar og eldre i november.

Vi har treningstider i Ørstahallen tysdag og torsdag kl 18. Dei eldste kjem truleg og til å ha trening måndagar kl 18. Vi kjem tilbake med meir informasjon om treningane i oktober, når vi har fått planlagt ferdig.

01.10.2020
- olve.oyehaug

Elias Hovden Nilsen imponerte med 4. plass i spyd i NM i friidrett. Han kasta 63,55 meter, berre ein drøy halvmeter bak personleg rekord. 

- Eg hadde vona på litt betre resultat, men er godt nøgd med 4. plass, sa Elias. 

Elias er no i same treningsgruppe som gullvinnar Kasper Sagen. Motivasjonen er høg for vidare satsing. 

Andrine Hjellen Haugland tok 7. plass med eit kast på 41,30 m. Med det klarte ho sesongmålet på topp-8-plassering i NM. 

Andrine og Elias stadfesta igjen at Ørsta IL friidrett har to utøvarar på nasjonalt toppnivå i spyd.

NM i friidrett vart arrangert på Fana stadion i Bergen 18.-20- september. 

20.09.2020
- olve.oyehaug

Ørsta IL friidrett arrangerer to treningsstemne på Ørsta stadion mot slutten av september:

Søndag 20. september kl 17.30: 100 m

Laurdag 26. september kl 14:00: Spyd

Påmelding på MinIdrett.

Eventuelle tillegg av øvingar vert annonserte på nettsida til Ørsta IL friidrett.

Arrangementa er i tråd med gjeldande smittevernsreglar. Alle publikumarar må registrere seg ved frammøte.

 

18.09.2020
- olve.oyehaug

Treningsstemnet på stadion tysdag 15. september vart "rekordenes aften" med 46 nye personlege rekordar, fire nye klubb/aldersrekordar, ett resultat på over 1000 Tyrvingpoeng og fem resultat på over 900 poeng! 

45 deltakarar gjorde ein flott innsats på stemnet. Det vart konkurrert i 60 m, 100 m, 400 m, 600 m, lengde og tresteg.

Det var kjekt å sjå god deltaking og full innsats i 8- og 9-årsklassane. Det gror godt i dei yngre aldersgruppene.

Trykk på linken resultat: Resultatliste treningsstemne

 

Nye klubb/aldersrekordar:

G12: Jonatan - 14,65 på 100 m.

J10: Madelene - 15,82 på 100 m og 8,36 m i tresteg (sone).

J12: Linnea Anine - 14,66 på 100 m.

Tyrvingpoeng og meir:

Madelene (J10) fekk heile 1036 Tyrvingpoeng i tresteg (sone) for sitt hopp på 8,36 m som er ny PR.

Johannes (17) sprang 100 m på gode 11,56 og fekk 989 Tyrvingpoeng.

Julie (J12) hoppa 9,10 m i tresteg (sone). Ny PR og 960 Tyrvingpoeng.

Så fekk Agnes (J10) litt sprett i fotan og satte ny PR i tresteg (sone) med eit hopp på 7,42 m og 942 Tyrvingpoeng. 

To 900 - poengarar i tresteg (sone) J11: Pia hoppa 8,13 m ny PR og 933 Tyrvingpoeng. Frøya kunne også gå heim med ny PR 8,09 m og 929 poeng. 

Jonatan (G12) klarte nesten 900 poeng. 899 Tyrvingpoeng fekk han etter å ha hoppa til ny PR 9,09 m i tresteg (sone).

Kristian (G10) hoppa 3,54 m i lengde (sone) og 878 poeng. 

Filip (G16) med flott ny PR på 400 m 57,04 (før 58,05).

Elise (J14) med sesongbeste på 100 m 14,18 og i lengde 4,45 m.

 

 

15.09.2020
- olve.oyehaug

Kalender

Oktober
MTOTFLS
2829301234
567891011
12131415161718
19202122232425
2627282930311

Aktiviteter

Ingen aktiviteter tilgjengelig for øyeblikket