Langrennsgruppa er ansvarleg for langrennsløypene på Bondalseidet og på Mo i Ørsta.

På Bondalseidet er det lysløype på ca 5km og det vert i tillegg preparert løype til Åmskaret, slik at løypenettet totalt er ca 9km.

I samarbeid med trimgruppa vert det arrangert trimrenn for barn på Bondalseidet på tysdagar, med oppstart i januar. Det vert arrangert 10 renn pr. sesong.

Øil har avtale med Ørsta Skisenter om preparering av langrennsløypene på Bondalseidet.

På Mo vert det preparert ca 10km med langrennsløyper. Løypa  startar på Askjellhaugen, og ca 5km er lyssatt. Langrennsgruppa syt sjølv for preparering av skiløypa her.

I dette området er det også eit nettverk av turstiar som vert vedlikehaldt av langrennsgruppa.

Området er difor godt egna til turar både sommar og vinter.