Diverse info og friidrettsplanar for januar, februar og mars

Ørsta IL friidrett vil ønskje alle utøvarar og foreldre GODT NYTT «aktivt» ÅR!
Vi startar opp att treningane etter nyttår måndag 4. januar kl 1800 på Ørsta stadion for dei som er 10 år og eldre.
Trykk "Les mer" for info om planar for januar til mars.

• For dei som er 13 år (2003-modellar) og eldre vert det 4 onsdagstreningar i Ulsteinhallen i januar og februar. Vi treng sjåførar. Kan du køyre?
• 9.-10. januar er det treningssamling i Ulsteinhallen, for dei som er 12 år og eldre. Ørsta IL friidrett må stille med 2 leiarar på samlinga for at det skal bli samling. Har vi ikkje leiarar så vert truleg samlinga avlyst. Kan du hjelpe til? Trykk på linken for info: Innbydelse Treningssamling Ulsteinhallen.pdf. Hugs påmeldingsfrist at for Ørsta IL sine medlemer er måndag 4. januar kl 22.00. 
• 30.-31. januar er det stemne med innlagt KM i Ulsteinhallen. Innbyding kjem seinare.
• 26.-28. februar er det UM innandørs i Steinkjer for dei som er 15 år og eldre. Vi må få tilbakemelding før 10. januar om kven som blir med. Sjå info på: http://www.nm.steinkjerfik.no/
• 12.-13. mars er det Bamseleikane i Stangehallen (ved Mjøsa) for alle som er 10 år og eldre. Dette blir familietur for Ørsta IL friidrett. Påmelding til turen seinast 20. januar, men gi beskjed no om du veit at de blir med. Vi oppmodar alle om å bli med på denne trivelege turen. I fjor var vi 28 frå Ørsta IL som reiste på stemnet. Val av øvingar kan de vente med, det som hastar er å få bestilt nok overnatting. Trykk på linken for info: Bamseleikane 2016.pdf
• Friidrettslisens: Alle som er fødde i 2003 eller tidlegare må betale friidrettslisens for 2016 for å få delta på arrangement i regi av Norges Friidrettsforbund. Har ein ikkje betalt lisens kan ein verte nekta av arrangør å delta på stemne. Det er nok å kjøpe grunnlisensen til kr 375,- Betal lisens for 2016 her: http://mosjon.friidrett.no/lisens2016

 For påmeldingar og andre henvendingar, send epost til friidretts-eposten.