60 utøvarar på treningssamling i Ulsteinhallen komande helg

Det er 60 påmelde til treningssamlinga i Ulsteinhallen komande helg. Nesten 15 motiverte trenarar og leiarar er klare til å gi utøvarane ei flott treningshelg. Den store interessa lovar godt for friidretten på Sunnmøre og i resten av Møre og Romsdal.

Treningssamlinga er i regi av Møre og Romsdal friidrettskrets, og er eit tilbod til alle friidrettsutøvarar i kretsen i alderen 12 år og eldre. Trenarane og leiarane er frå mange av klubbane i kretsen.