Sølv til Andrine og bronse til Elias på UM

Laurdagen på UM i Sandnes vart historisk for Ørsta IL friidrett med to medaljar i spyd. Andrine Hjellen Haugland (J17) tok sølv med kast på 44,31 m. Elias Hovden Nilsen (G15) tok bronse med kast på 50,71 m. Begge sette ny klubbrekord og solid ny pers.

Andrine Hjellen Haugland (J17) er i storform! Ho tok sølv, sette ny klubbrekord og solid ny personleg rekord med 44,31 m i spyd. Ho låg på ein god tredjeplass heilt til siste omgang. Ho sikra sølvet ved å mobilisere fullt i sjette og siste omgang.

Elias Hovden Nilsen (G15) tok bronsemedalje i spyd. Han kasta gode 50,71 meter. Det er ny klubbrekord og ny personleg rekord! Elias imponerte stort med ein svært jamn serie, der fire av kasta var over 50 meter. 

Åse Øyehaug (J15) sette pers på 80 m hekk med tida 13,31 sek. Sigrid Vartdal (J15) har slite med ei hofteskade, men fullførte likevel ein god 200 m.

I morgon skal Elias støyte kule. Det vert siste øvinga for Ørsta IL friidrett på UM i år.

Andrine Hjellen Haugland (J17) var strålande fornøgd med sølv i spyd med bestekast på 44,31 meter.

Elias Hovden Nilsen, Sigrid Vartdal, Åse Øyehaug og Andrine Hjellen Haugland var godt fornøgde med innsatsen på UM i Sandnes.