Stor stemning på 900-poengsfesten

Den årlege 900-poengsfesten hadde rekordframmøte. Etter trening i Ørstahallen gjekk 47 store og små til klubbhuset for å ete pizza, vere med på quiz, sjå på bilete og få årshefte. Det var premieutdeling for godt frammøte og utdeling av 900-poengsfat.

Det var seks utøvarar som fekk så gode resultat i 2016 at dei oppnådde over 900 poeng på Tyrving-tabellen. Når ein oppnår 900 eller fleire poeng er ein i toppen på krinsnivå. Er ein over 1000 poeng så er ein i landstoppen. Får ein over 1100 poeng så er ein på internasjonalt nivå. Høgste poengsum hadde Andrine Hjellen Haugland med 1030 poeng for spydkastet på 44,31 meter med 500 grams spyd.

900-poengsklubben der alle fekk 900 eller fleire poeng på Tyrving-tabellen, frå venstre: Sigrid Vartdal, Marie Steinnes, Andrine Hjellen Haugland, Thea Nilsen, Maria Sætre (Elias Hovden Nilsen var gått vidare til neste trening då biletet vart teke).

Dei seks som hadde størst frammøte på treningane fekk premie: Gåvekort på kino. Frå venstre: Markus Myhre Steinnes, Mari Øyehaug, Jakob Rudi Nordang, Malin Myklebust og Åse Øyehaug. Sofie Verstad var ikkje til stades då biletet vart teke.

13 pizza og 13 brus gjekk med før gjengen var klare til å starte på superduper-quiz.