Friidrettsskule 14.-16. august på Ørsta stadion

Vi er no klare for å ta i mot 60 barn på friidrettsskulen idrettsleikar i Ørsta! Også i år er friidrettsskulen heilt fullteikna.

Vi i Ørsta IL friidrett ser veldig fram til å vere saman med dykk på Idrettsleikar, og vi skal ha det kjempegøy med ulike aktivitetar. Vi skal til saman vere 60 barn i alderen 6-12 år og 12 leiarar.

Tid: Måndag 14. – onsdag 16. august 2016, kl 09.00 – 15.00

Hugs å ta med matpakke.

Ta med drikkeflaske slik at barna har drikke medan dei trenar.

TINE sponsar drikke til måltida (juice og sjokomjølk).

Stad: Idrettsbana i Ørsta - Ørsta stadion

Frammøte og henting på Ørsta IL klubbhus

N.B. Vi treng hjelp frå foreldre til å vere "vakt" under idrettsleikane. Oppgåva er stort sett å vere til stades dersom nokon av borna treng hjelp eller treng ein vaksen å snakke med, og å rydde litt på klubbhuset før/etter lunsjen. Kan du hjelpe til ein dag eller ein halv dag så ta kontakt med friidrettsgruppa.