Nasjonal kastmønstring på Byrkjelo stadion torsdag 10. mai

Nasjonal kastmønstring på Byrkjelo stadion 10. mai med fire gode resultat for Ørsta IL friidrett. Trykk "Les mer"-knappen for meir info.

Anna Hjellen Haugland (J16) starta opp med tre døde sleggekast før ho fekk opp gode 40,67 m (991 Tyrvingpoeng). Så, like før ho skulle kaste femte omgang vart ho treft i ankelen av ei kule som rulla ut av sektoren. Då vart det isposar og pleie, og slutt for i dag. No gjekk det heldigvis bra. Så etter eit nokre fridagar skal ho vel vere "fit for fight" igjen.
Spydkonkurransen gjekk i silregn og "dau luft".
Elias Hovden Nilsen (G17) fekk opp tre kast over 50 m med 700 gr spydet. Lengst i dag vart 52,11 m.
Andrine Hjellen Haugland (J18/19) kasta 600 gr spydet 40,93 m (948 Tyrvingpoeng). Bra - midt i russefeiringa.
Ei vårforkjøla Christina Wilke (KS) støtte 4 kg kula ut til 10,88 m og er med det resultatet, no klubbens 3. beste kvinnelege kulestøtar gjennom alle tider.

Til søndagen er det på an igjen på Midsund.