Friidrettsskulen 13.-15. august er fullteikna

Ørsta IL friidrett arrangerer idrettsleikar på Ørsta stadion måndag 13. august - onsdag 15. august 2018.

Også i år er friidrettsskulen fullteikna. 60 barn er påmelde.

Trykk knappen "Les mer"

Idrettsleikar er eit lokalt tilbod til barn i alderen 6-12 år som går over tre dagar i sommarferien. På Idrettsleikar skal barn få trene basisferdigheiter og prøve friidrett på ein spennande og utviklande måte prega av leik og glede.

Idrettsleikar er i regi av Norges Friidrettsforbund. Alle friidrettsklubbar har fått tilbod om å arrangere Idrettsleikar.

Kva: Spennande dagar i sommarferien der born møtast til gode aktivitetstilbod på dagtid.

Alder: 6-12 år

Varigheit: 3 dagar

Når: Måndag 13. august - onsdag 15. august, klokka 9-15.

Stad: Ørsta stadion

Påmeldingsfrist: (fullteikna - påmeldinga er stengt)

Pris: Kr 750,-

Deltakargåve: T-skjorte

Antal: 60 deltakarar

Påmelding på: http://www.deltager.no/Idrettsleker/orsta2018 (fullteikna - påmeldinga er stengt)

Oppmøtestad: Ørsta IL klubbhus ved Ørsta stadion

Mat og drikke: Alle må ta med mat og drikke.

Innhald

Deltakarane vil få introduksjon til m.a. forskjellige friidrettsøvingar. Det vil bli innslag av løp, hopp, kast, samt leik for utvikling av balanse og motorikk i tillegg til ballspel og øvrige aktivitetar. Kyndige og engasjerte idrettsleiarar, ungdom som sjølve er aktive utøvarar i friidrettsgruppa, vil tilrettelegge og hjelpe borna på deira eigne premissar.

Bli med!

La barnet ditt få ei aktiv og sosial ferietid fylt med fysisk leik tilpassa alle nivå.

Ørsta IL friidrett har sidan 2013 arrangert friidrettsskulen Idrettsleikar veka før skulestart. Målet er å arrangere dette kvart år. Friidrettsskulen er for barn i alderen 6-12 år. Det har vore fullteikna kvart år, med rundt 60 deltakarar kvart år.