Ni på kretsdommarkurs

Ørsta IL friidrett stilte med utøvarar og foreldre på kretsdommarkurs 19.-20. oktober. Kurset var i regi av friidrettskretsen og Ørsta IL friidrett. På kurset lærte deltakarane mykje om friidrettsreglane, og dei er no dommaraspirantar. 

Gjennom komande sesong er planen at alle rykker opp til å verte godkjende dommarar. Dette vert dei gjennom aktiv deltaking på stemne som dommarar. Olav Hansen frå dommarutvalet i friidrettskretsen var kurshaldar. Kurset var på klubbhuset til Ørsta IL.

Ørsta IL friidrett er godt nøgde med deltakinga. Det er lenge vi har så god deltaking på dommarkurs. Spesielt positivt var det at tre av dei aktive utøvarane deltok på kurset.