Elise tok 3. plass på Bamseleikane

Elise Aarflot (J13) frå Ørsta IL friidrett imponerte stort då ho tok 3. plass i lengde med 4,43 m på Bamseleikane i Stange.

Elise sprang ein svært god 60 meter og tok 4. plass der med tida 8,68 sek. Ho sprang og ein rask 200 m på 29,23 sek og tok 6. plass der.

Ørsta IL friidrett stilte med sju utøvarar på stemnet. Andreas Vinsrygg Vadstein (G11) imponerte på 60 m med tida 9,66 og tok 10. plass. Johannes Vinsrygg Vadstein (G14) sprang 600 m på 2,00,43 og tok 13. plass. Jenny Hermine Bjørneset (J13) sprang inn til 12. plass på 600 m med tida 2,03,11. Dei deltok og i fleire andre øvingar. Dei yngste deltakarane som deltok frå Ørsta IL var Martine og Julie Bjørneset og Simon Vinsrygg Vadstein. Dei deltok i 10-årsklassen.

Dei tradisjonsrike Bamseleikane i Stangehallen i Stange er eit av dei største innandørs friidrettsstemna i landet. I mange av årsklassane er det over 50 deltakarar. Stemnet vart arrangert 22.-24. mars av Hedmark Friidrettskrets. Premiane på Bamseleikane er bamsar.

Resultatlister: http://webres1.andro.no/bamse/2019/

Elise Aarflot (J13) frå Ørsta IL friidrett imponerte stort då ho tok 3. plass i lengde med 4,43 m på Bamseleikane i Stange.

Julie Kornelia Bjørneset vart trekt ut som heldig vinnar av stor bamse i klassen J10. I dei yngste årsklassane vert det i kvar øving trekt ut ein heldig vinnar av stor bamse.

Ørsta IL sin gjeng samla framfor premiane. F.v.: Martine Amelia Bjørneset, Jenny Hermine Bjørneset, Elise Aarflot, Julie Kornelia Bjørneset, Andreas Vinsrygg Vadstein, Johannes Vinsrygg Vadstein og Simon Olai Vinsrygg Vadstein.