Det vert utdeling av 900-poengsfat, frammøtepremie og årshefte på treninga tysdag 9. mars

I staden for den årlege 900-poengsfesten til Ørsta IL friidrett vert det i år utdeling av 900-poengsfat, frammøtepremie og årshefte på treninga tysdag 9. mars.

900-poengsfat: 17 utøvarar frå Ørsta oppnådde til saman 73 resultat over 900 poeng etter Tyrving-tabellen i 2020:
Agnes Hjellen Haugland, Alfred Keilen Thomsen, Anna Hjellen Haugland, Elias Hovden Nilsen, Filip Hoggen, Frøya Bernseter Keilen, Isak Vindfjell, Johannes Eiksund, Jonatan Hovden Ryste, Julie Hovden Ryste, Kristian Aarflot Årdal, Madeleine Kristoffersen, Madelene Almestad, Maria Mjelva Straume, Pia Flatjord Tofteland, Ragne Øyehaug og Rasmus Nymark. Alle desse 17 får fat på slutten av treninga.

Frammøtepremie: Dei som hadde mest frammøte på treningane i sesongen frå november 2019 til oktober 2020 får gåvekort. Det vert tre premiar i aldersgruppa 10-12 år, og tre i gruppa 13 år og eldre.  

Årsheftet for 2020 inneheld mange sider tettpakka med friidrettsinfo om Ørsta IL friidrett frå året 2020. Der er artiklar, bilete og statistikk. Vi leverer ut papirutgåve på treninga. Trykk her for digital utgåve.