Ragne vann omvend 5-kamp

Ragne Øyehaug (J11) vann omvend 5-kamp på sesongavsluttinga for friidretten på Ørsta stadion torsdag 30. september.

Det er høgst utradisjonelle øvingane på den omvende 5-kampen: Rotasjonshopp, kulestøt med begge hender, 60 m baklengs, 100 m på idealtid og spydkast på blink. Det er om å gjere å få to like resultat i tre av øvingane, så er det idealtid, og til slutt spydkastduell på blink. 

Premien var ein stor sjokolade.

Det som er ekstra moro med denne 5-kampen er at dei yngste like godt kan vinne som dei eldste.

No tek friidretten ferie i heile oktober. Vi startar opp att for 2012-modellar og eldre den 1. november.

Trykk her for resultatliste omvendt 5-kamp 2021